旅遊
【東京機場大解密】成田、羽田機場交通攻略

【東京機場大解密】成田、羽田機場交通攻略

每次去東京見到啲地鐵線就頭都大埋?好多人未上飛機已經要開始諗定點由機場出東京市區,今次KKday除咗幫大家比較東京成田、羽田兩大機場,仲整理好由機場去市區嘅交通方法,如果要去東京玩,一定要睇熟呢篇攻略先!

A. 成田機場出東京市區

想知道出東京市區交通點搞,首先要知道自己所搭嘅航空公司位於成田機場邊個航廈,所以KKday列咗港澳人最常搭去日本嘅航空公司,如果想知道更多航班資訊可以上官網查詢。

*共同營運嘅航班,候機樓可能因所乘坐嘅航班而與上列不同,詳情請向各航空公司查詢。

*第一航廈站名為成田機場車站,第二、三航廈則為機場第二大樓車站。

下列為成田機場交通方法:

1. 京成電鐵 (Skyliner、Access特急、京成本線)

以下為京成電鐵所推出嘅三種機場-東京市區的方式:

【Skyliner】

(圖片來源)

Skyliner路線

成田機場第1航廈→ 成田機場第2、3航廈→ 日暮里→ 上野

 Skyliner適合對象

 

住喺上野、池袋及新宿等東京北部同西部區域,搭乘「Skyliner」後,再轉乘山手線或地鐵至新宿、池袋等地方,可以慳番唔少時間。

     

    Skyliner花費時間

    日暮里36分鐘,上野41分鐘,東京47分鐘

     Skyliner價錢

    購買單程Skyliner為2200日圓,購買來回為4300日圓;

    另外Skyliner另有搭配地鐵1、2、3日套票選擇(單程價錢:2800日圓-3500日圓,來回價錢:4700日圓-5400日圓)

    提示

    對號列車,可事先上網購買

    更多資訊

     京成Skyliner 點買?

     

    【Access特急、京成本線】

    (圖片來源)

     

    Access特急京成本線路線 (非對號列車)

    1. 成田機場第1航廈→ 成田機場第2、3航廈→ 新鐮谷→ 青砥→ 日暮里 → 上野
    2. 成田機場第1航廈→ 成田機場第2、3航廈→ 新鐮谷→ 青砥→ 東銀座、淺草、押上(晴空塔)

    Access特急、京成本線適合對象

    住喺押上(晴空塔)、淺草、新橋、東銀座、品川及橫濱地區就最抵喇。

    不過小編提醒大家Access 特急、京成本線特急比較似普通地鐵,無固定座位,亦都無行李架,而且都營地鐵淺草線路段喺尖峰時間會好迫。

    Access特急、京成本線花費時間

    • 成田機場-上野:54分鐘(Access特急)、77分鐘(京成本線)
    • 成田機場-淺草:51分鐘(Access特急)、69分鐘(京成本線)

    Access特急、京成本線價錢

    • 成田機場-上野:1240日圓(Access特急)、1030日圓(京成本線)
    • 成田機場-淺草:1590日圓(Access特急)、1130日圓(京成本線)

    提示

    Access 特急、京成本線特急中午過後大多都係開往上野,若要前往押上、淺草、新橋、品川、橫濱地區,中午過後請先搭到青砥站,再轉乘開往上述地區嘅列車,行程模式較多較複雜,搭車前記得問咗正確班次同轉乘路線先。

    更多資訊

    京成電鐵詳細資訊
    ?

     

    2. JR(JR N’EX、快速Airport成田)

    【JR N’EX】

    (圖片來源)

     

    JR N’EX停靠車站(主要車站為主)

    東京、品川、澀谷、新宿、池袋、橫濱、大船(鎌倉),坐上N’EX後,只要中途唔出車站,皆可於指定區間内(東京列車特定區間内)任何JR東日本車站落車,唔可以搭乘特快列車。​​​​​

    JR N’EX適合對象

    住喺東京、新橋、品川、澀谷、新宿同埋要直接由機場前往橫濱、大船(鎌倉)嘅人,搭乘JR N’EX 可以免費轉乘東京市區以及近郊路線(以不出JR車站為主),N’EX 過東京車站後是沿山手線向南行駛;

    住喺上野、池袋等東京北部同西部區域,就唔建議搭N’EX喇。

    JR N’EX花費時間

    前往東京車站大約53分鐘,往山手線以南車站會較為方便。

    JR N’EX價錢

    由成田機場來回 N’EX 任一車站 4000 日圓,目前淨係得來回票有優惠,如果只需要單程票,建議改購買京成電鐵特急列車「Skyliner」嘅單程優惠車票會抵啲。

    提示

    • 對號列車,可事先上網訂購
    • 憑JR東日本鐵路周遊券‧長野、新潟地區」、「JR 東日本‧南北海道鐵路周遊券」都可以搭!只要喺 JR 售票處劃位就可以搭 N’EX,唔使另外買車票。

    更多資訊

    JR N'EX 詳細資訊

     

    【快速Airport成田】


    (圖片來源)

     

    快速Airport成田路線

    停新橋/品川,會繼續開往橫濱、大船

    快速Airport成田時間

    到東京車站約82分鐘

    快速Airport成田價錢

    1280日圓

    更多資訊

    快速Airport成田詳細資訊

     

    3. JR、京成電鐵總比較

     

     

    4. 高速巴士(利木津巴士、Tokyo Shuttle、The Access Narita)

    【利木津巴士】

    (圖片來源)

    利木津巴士路線

    利木津巴士有廣泛行車路線系統,由成田機場到東京都航運站、橫濱總站、羽田機場、連接東京市區內主要酒店,提供大部份首都圈內路線服務。

    利木津巴士適合對象

    如果住喺東京市區內嘅四星級以上酒店(可以去官網查詢會唔會去你嘅酒店先),基本上都好適合搭利木津。

    利木津巴士花費時間

    約75~90分鐘,唔同區域需時不一。

    利木津巴士價錢

    3100日圓

    更多資訊

     點買利木津巴士車票?

     

    【Tokyo Shuttle】

    Tokyo Shuttle乘車地點

    第一航廈、第二航廈、東京八重州口(離東京車站近)、大江戶溫泉物語、銀座(數寄屋橋)

    Tokyo Shuttle適合對象

    想慳錢又唔趕時間嘅人,要去東京車站或銀座,又或者回程係搭凌晨機,Tokyo Shuttle就啱哂你喇,因為大江戶溫泉物語站有凌晨巴士時段,呢架巴士仲有同大江戶物語溫泉推出套票,浸個溫泉再搭飛機,一個字:爽!

    Tokyo Shuttle時間

    至東京車站約70分鐘,另可上官網查詢乘車時刻表

    Tokyo Shuttle價格

    事前預約900日圓,現場購買1000日圓,大小同價。

     

    【The Access Narita】

     

    The Access Narita乘車地點

    成田機場1、2、3航廈都有得搭,東京站八重州口、銀座(數寄屋橋)

    The Access Narita適合對象

    想慳錢又唔趕時間,前往東京、銀座。

    The Access Narita時間

    約70分鐘

    The Access Narita價格

    1000日圓

    更多資訊

    The Access Narita 詳細資訊


    B. 羽田機場出東京市區

    羽田機場是分為第一航廈、第二航廈、國際航廈,第一、二航廈主要係辦理日本國內線的航班,國際航廈就係各個國際線嘅航班。全日空航空、日本航空、香港快運、國泰航空都有飛往羽田機場嘅班機。

    1. 東京單軌電車

    (圖片來源)

     

    東京單軌電車路線

    由羽田機場國際線航廈站抵達東京市區濱松町站,呢個站可以轉乘 JR 山手線同京濱東北線,無論去新橋、東京車站、秋葉原、上野定係東京各大 JR 車站都非常方便。

    東京單軌電車適合對象

    前往濱松町站、東京、上野、秋野原。

    東京單軌電車時間

    從羽田機場到達濱松町站,只需14分鐘。若要前往新宿,需轉乘山手線,需45-50分鐘。

    東京單軌電車票價

    羽田機場-濱松町站:490日圓(大人)、250日圓(孩童),另外仲有推出與JR合作嘅「東京單軌電車&山手線內優惠票」,只要500日圓就可以至山手線嘅任何一站下車,好啱住喺大站嘅人。

    更多資訊

    東京單軌電車詳細資訊

     

    2. 京急電鐵

    (圖片來源)

     

    京急電鐵路線

    京急電鐵可以由羽田機場國際線航廈站抵達品川站,呢個站可以轉乘山手線、京濱東北線、東海道線同東海道‧山陽新幹線等 JR 路線。

    部分京急列車通過品川站同泉岳寺站後,會同「都營地鐵淺草線」直通運轉,列車會開入地鐵淺草線軌道,停靠新橋、東銀座、日本橋、淺草同押上(Skytree)等沿線各站。

    京急電鐵適合對象

    前往品川、新宿、東銀座、日本橋、淺草、押上。

    京急電鐵時間

    從羽田機場到達品川站,最快只需11分鐘。

    京急電鐵票價

    • 往南至橫濱站,450日圓。
    • 往北至品川站,410日圓。
    • 至新橋站,530日圓。
    • 至淺草、押上(晴空塔)站,620日圓。
    另外京急電鐵有同東京地下鐵合作推出「Welcome! Tokyo Subway Ticket」套票,羽田機場-品川站泉岳寺來回車票+東京地鐵1、2、3日券,只需1500日圓至2200日圓,詳細資訊可上京急電鐵查詢。

    提示

    京急電鐵車種分為五種,由慢到快分別為「普通」、「機場直行」、「特急」、「快特」和「機場快特」,京急電鐵同都營地鐵淺草線、京成線直通運轉,行駛模式較為複雜,出發前務必確認班次、時間。

     

    3. 利木津巴士

    (圖片來源)

    利木津巴士路線

    主要路線分為8條,可以前往橫濱、台場、晴空城、澀谷、御殿場、箱根、富士山。

    利木津巴士適合對象

    如果你係搭凌晨機抵達羽田,巴士就好適合你喇。

    利木津巴士花費時間

    至東京市區大約60分鐘。

    利木津巴士價錢

    依搭乘路線不同,票價都會唔同,可上利木津巴士官網查詢。

     

    C. 成田、 羽田機場出東京市區比較

    咁成田機場同羽田機場到底有咩唔同呢?KKDay整理咗個表格比大家睇!

    提醒大家上述嘅車程時間,會因時段、車況等問題,可能會出現延誤或提早嘅情況,所以出發前再確認一次,先可以掌握到交通上所需嘅時間。羽田機場嘅車程所花費嘅時間相對較短,交通都平啲!

    D. 的士出東京市區

    (圖片來源)

    喺成田機場除咗可以搭普通的士(跳錶計)外,機場同東京市內之間仲可以搭收取區間固定價格嘅的士,定價的士由成田機場到東京市內方向都係區間內同一價格。

    E. 番外:由成田/羽田機場輕鬆抵達東京市區!

    • 適合對象:多行李,懶得研究交通

    如果你一遇到東京交通就頭都大埋,每次去東京都要一袋二袋,咁最適合你嘅懶人方式一定係包車!幾個人一齊包車,真係超方便,而且一班人除分開個價一啲都唔貴!

     

    原文出處(文章經GoBear編輯)

     

    GoBear提提你去東京旅遊記得購買日本旅遊保險,尤其乘坐多程交通工具,要特別留意海外旅遊延誤保障行李遺失保障不想知邊間旅遊保險好?即上GoBear一Click比較!

    travel insurance GoBear

    伸延閱讀: