近年素食大興其道，一來可以保護環境，二來食素對身體較健康啲。素食餐廳的素食愈嚟愈多款式，最受歡迎的莫過於是素食自助餐，不過話明係buffet，任飲任食，又多炸物，隨時食多咗都唔覺呢﹗今期阿啤邀得Tutor Circle尋補嘅小編介紹幾間素食餐廳，有素食buffet、亦有素食文清小店、素食Fusion餐廳，溫書補習之後想食嘢？大把選擇﹗﹗
1. 走肉．朋友
第一間要為大家推薦的是走肉．朋友，這間素食餐廳主要係提供素食自助餐。小編覺得餐廳做得最好的部份就係會清楚標明食物嘅成份，方便素食者去選擇。另外，小編喺OpenRice嗰度，見到有市民評論餐牌會每星期換一次，所以可以俾到新鮮感顧客，食物質素亦都唔錯。如果大家鍾意食茄子既話，不妨去呢間餐廳試試，因為有顧客稱讚呢度既釀茄子煎得好香。餐廳亦有提供炸物俾顧客選擇，例如芋香蕃薯球、煎釀三寶等等。除此之外，這間餐廳既自助午餐（星期一至五），價錢十分親民，大概HK$68就可以限時食一個鐘。提提大家要準時到達餐廳，如果遲到，餐廳系唔會補償返時間俾你，咁就唔抵啦！
餐廳亦有提供外賣自取服務，餐廳會提供容器讓大家自行裝放食物，外賣拎走。
地址﹕九龍大角咀博文街28-44號地下6號鋪
價錢﹕
自助晚餐
- 星期一至四﹕成人/HK$125、小童/HK$95
- 星期五至日、公眾假期及初一十五﹕成人/HK$150、小童/HK$120
自助午餐
- 星期一至五﹕成人或小童/HK$68
- 星期六至日及公眾假期﹕成人或小童/HK$90
午市外賣自取
- 星期一至五﹕HK$58
- 星期六至日及公眾假期﹕HK$70
晚市外賣自取
- 星期一至四﹕HK$80
- 星期五至日、公眾假期及初一十五﹕HK$95
2. MUM 日常野菜料理
第二間要推薦的是日式素食餐廳，這間餐廳提供三餸飯(大約HK$100) 同埋四餸飯(大約HK$125)。每一個素食套餐，都會提供湯及麥茶，小編覺得呢個套餐都幾抵，因為有顧客話個份量都幾大，一個女仔未必可以食得晒。另外，有顧客話紫薯紅菜頭青蘋果沙律口感細滑，青蘋果好爽口，令個口感好豐富。如果你哋本身自己唔係好大食，又係同朋友一齊嚟嘅話，小編建議你哋可以同朋友一齊分享一個套餐，咁就應該會啱啱好。
地址：佐敦彌敦道380號香港逸東酒店LG樓8號舖
3. 素年Years
第三間要推薦既係主打蛋奶素既素食餐廳，素年years適合食蛋奶素既素食者。漢堡非常吸引，亦是餐廳的主打菜式，採用Impossible素肉製成，口感與一般漢堡包無異，仲要好juicy﹗小店裝潢係以白色作為主調，比人一種好清新同舒服嘅感覺，除咗食野之外，鍾意文青風既大家亦都可以系度打卡，一次過滿足兩個願望。大家如果壓力好大，做嘢好辛苦嘅時候，不妨去呢間素食餐廳食嘢，體驗素食之餘放鬆吓自己嘅心情。
地址：深水埗福華街191-199號福隆大廈1號地舖
4. Green Common
大家有冇食過末來肉？小編第五間要推介既素食餐廳系主打食「植物肉」或者「未來肉」。小編覺得最特別既系未來漢堡，食落去幾乎同一般漢堡冇分別，個外型好相似之餘，麵包亦唔係好乾，亦會有麻油香味，但係大家都唔好要求佢會有好濃既肉汁。未來漢堡以架系全球好流行，囗感仲好有驚喜。另外，小編好推介你哋食餐廳既「樂樂雞」，其實佢既味道就好似某間快餐店既麥樂雞，只不過佢系用純素去整，大家可以沾純素燒烤醬或者純素蜜糖芥末醬，會比較好食。另外，佢哋仲有一個絲麥奶茶，你無睇錯，佢真系叫絲麥奶茶，而唔係叫絲襪奶茶，皆因佢系使用燕麥奶去沖果茶底，非常特別。如果大家約開朋友，不如同朋友快啲黎呢度試吓，親身經歷一餐「末來純素」。
地址
- 旺角奶路臣街17號The Forest 1樓110號舖
- 灣仔皇后大道東202號QRE Plaza二樓 1-2號舖
- 尖沙咀廣東道17號海港城海運大廈地下OT G61號舖
- 中環遮打道16-20 置地歷山大廈地庫1樓B2 Landmark Alexandra
5. 雅 ‧悠蔬食
第五間要推薦的是新派素食店，佢哋嘅菜餚都落足重料，小編知道佢哋嘅忌廉湯係有落桃膠，可以幫女士滋潤養顏，而且口感特別。另外，小編極度推介大家試吓香芒牛油果手卷，大家實以為手卷裏面一定夾咗米飯，但係餐廳以苜蓿芽代替米飯，相對我哋平時食到既手卷，呢個會較為清爽，冇咁滯，營養價值亦較高，而小編想稱讚蜜桃火龍果蜜瓜沙律，水果清甜，整體不錯。聽其他食客講返，因為之前疫情嚴重，餐廳會為客人提供免費糖水，以作支持，呢個服務實在無人抗拒。雅．悠蔬食既裝修同一般素食店好大分別，睇落去好似一間西餐廳，與一般傳統素食店截然不同，相信會改變大家以往對素食店的形象。
地址：尖沙咀金馬倫道48號中國保險大廈3樓
總括而言，而家嘅素食餐廳多元化，且提供唔同種類既素食，一啲都唔單調。大家可以試吓喺繁忙鬧市中休息一下，搵一間素食餐廳食嘢，好好享受 ！如果大家都想同埋朋友或者屋企人去素食餐廳食嘢，不妨可以參考吓小編介紹嘅餐廳，去享受生活既樂趣，亦都可以保護環境。查看更多尋補 Blog熱門專欄文章！
餐飲信用卡推介
食好西當然要用張高回贈的餐飲信用卡，就可以慳唔少啦！想了解更多餐飲信用卡，即睇：【 餐飲信用卡2020 】8大外出食飯信用卡 吃貨必備！
| 信用卡 | 精選優惠 |
|
花旗銀行 Citi Cash Back 信用卡 |
餐飲回贈﹕2% 迎新優惠﹕香港文華東方酒店雙人下午茶；或 HK$800惠康現金券；或HK$700崇光百貨禮券 |
|
恒生銀行 MPOWER 白金卡 
|
餐飲回贈﹕5% 迎新優惠﹕高達$700 Cash dollars；或MCL高達8張戲票(高達5張戲票及1年MCL CLUB PLUS會籍) |
|
安信 EarnMORE 銀聯卡 
|
餐飲回贈﹕2% 迎新優惠﹕經GoBear申請無須簽賬享額外HK$300現金回贈+現金回贈HK$670 |
|
渣打銀行 Simply Cash Visa卡 
|
餐飲回贈﹕1.5% 迎新優惠﹕現金回贈HK$1,000+開網上理財戶口享HK$100 |
|
渣打銀行 亞洲萬里通萬事達卡 
|
餐飲回贈﹕HK$4＝1里 迎新優惠﹕高達40,000里數＋開網上理財戶口享HK$100 |
