返回 選擇語言 malaysia
選擇語言
  • 繁體中文
  • ENGLISH Coming soon
國家
香港香港
信用卡

一到年尾好多朋友都問我精叻豬交稅用咩卡有優惠,用咩卡繳費可以儲積分,依家我就同大家總結一吓啦!

今時今日用咩信用卡交稅都係冇積分!等了又等,只見5大銀行推出有關交稅嘅推廣,分別係東亞、匯豐、恒生、Citibank、中銀!匯豐、恒生送出回贈最多,但要特選客戶。中銀交稅拎到回贈要求低啲,但只計單一稅款。Citibank交稅要求金額最高,但可以合併好多張稅單累積交稅金額。東亞只要交1蚊稅都可以賺$50現金回贈。

匯豐信用卡

特選一

特選客戶收到匯豐「專有簽賬獎賞」邀請信記得要打 8228 1618 登記 ,於推廣期內 (2016年11月1日至2017年2月28日) 合資格簽賬達信上的每月個人目標消費額,之後嘅消費就可享額外 2% 「獎賞錢」回贈,合資格簽賬包括本地、網上簽賬及個人稅款,要達標兼賺額外 2% 回贈話咁易。自己冇咁多稅交都可以幫親友交!

每月額外簽賬額最高計算至首10,000港元或10,000人民幣(只適用於銀聯雙幣信用卡),即每月可額外賺200元「獎賞錢」。推廣期由11月至出年2月連續四個月,即整個廣期最多可以額外賺 $800「獎賞錢」。

特選二

滙豐又出多一個交稅推廣俾特選客戶,由現在至17年2月28日,累積合資格簽賬 (本地、網上簽賬或現金貸款)滿5000元 ,再經網上理財以信用卡交稅就可享「獎賞錢」。 

2016年12月31日或之前每交稅款250元可享2元「獎賞錢」,最多可享200元「獎賞錢」。2017年1月1日至17年2月28日每交稅款250元可享1元「獎賞錢」,最多可享100元 「獎賞錢」。無論你係推廣期內幾時交,都係交稅25,000元就賺盡上限。 

快啲幫冇收到特選邀請嘅親友交稅賺2X奬賞啦!

HSBC-VISA-SIGNATURE.png   HSBC-P-Card.png   

東亞信用卡

又多一間銀行推出網上繳稅享現金回贈優惠,雖然係回得0.15%-0.25%,但都好過冇啦!

由2016年11月21日至12月28日,憑東亞銀行信用卡賬戶透過e-banking成功繳交2015/2016年度薪俸稅及個人入息課稅,可享以下優惠:

優惠一:繳稅賺0.15%-0.25%現金回贈

累積網上繳稅金額 10,000 – 49,999,可享現金回贈0.15%
累積網上繳稅金額 50,000 – 99,999,可享現金回贈0.20%
累積網上繳稅金額 100,000或以上,可享現金回贈0.25%
每個主卡賬戶於推廣期內最多可享300元現金回贈,即係可累積繳稅12萬元。

11-22_BEA-tax-tax.JPG

優惠二:免息還款期長達56天

優惠三:額外50元現金回贈

成功作網上繳稅及透過東亞指定上載文件網頁遞交最近薪俸稅單或最近3個月入息證明文件,可享額外50元現金回贈。東亞話文件將用於更新持卡人所有信用卡賬戶,東亞冇話網上繳稅要幾多,總之網上繳稅之後上載證明文件就得,哈哈…交1蚊可以賺50元現金回贈。

恒生信用卡

特選客戶收到恒生邀請信可以由現在至2016年12月28日,憑恒生銀聯信用卡透過e-Banking繳交薪俸稅可享額外奬賞。累積15,000元可獲額外100元,15,000元之後每滿10,000元可獲額外50元cash dollars,推廣期內最多可獲額外250元cash dollars (累積交稅45,000元就可賺盡奬賞) 。現金回贈有高達0.66%,當然叫親友俾埋啲稅單俾你交,賺到奬賞一齊食返餐都好! 

中銀信用卡

由2016年11月1日至12月31日,用中銀信用卡繳交稅款達指定金額即可享現金回贈。交稅15,000元有50元回贈,50,000元有100元回贈,100,000元有150元回贈,200,000元有200元回贈。交易金額以最高繳稅金額之單一合資格交易計算,唔可以累積計算。

11-17_tax-Boci.JPG

Citibank 信用卡

用Citi Visa信用卡 (包括Citi PremierMiles信用卡、Citi Rewards信用卡、Citi Clear Card 、Citi八達通信用卡) 成功登記嘅主卡客戶,由2016年11月4日至2017年2月28日於網上理財累積繳交3萬元或以上之個人稅款+合資格零售簽賬一次達500元,就可享50元超市現金券。

11-17_tax-Citi.JPG

如果於16年12月31日前繳交及達$10萬元或以上,可賺多啲超市現金券。

講真交$3萬蚊稅先送得50元現金券真係少左D,要交那個數嘅朋友都唔會恨呢50元啦!呢個推廣以累積繳交稅款金額,可以夾埋親友一齊交夠稅,賺超市現金券買薯片齊齊食都好呀!

CITI-REWARD-VISA.png   Citi-PremierMiles.png

想比較更多信用卡優惠,即上GoBear 一 Click 比較