(更新日期﹕2020年9月)

香港的資助大學每年學費為$42,100,自資學費的學位則由約由$30,000至$70,000不等,大約是每年10月繳交。交學費絕對是大額消費,其實各位家長及學生哥可以用信用卡交學費,賺取信用卡積分、兌換里數又得,現金回贈或現金券亦可。今次阿啤為大家準備了用信用卡交學費的注意事項,以及搜羅了一堆可以賺取積分的交學費信用卡,即刻睇下用邊張卡交學費最著數啦﹗

目錄﹕交學費注意事項邊張卡交學費可賺現金回贈或里數?推介交學費信用卡

用信用卡交學費注意事項

1. 用信用卡交學費都有唔同途徑

用信用卡交學費都有不同途徑的,例如可以用信用卡的網上銀行 (e-banking) 轉賬、可以登入院校的網站繳交或者親自前往校務處繳交。由於本港大部份的學生都是以網上銀行 (e-banking) 轉賬,所以今次阿啤會集中講相關的交學費賺回贈或里數資料。

2. 何謂用信用卡的e-Banking交學費?

學生的信用卡限額較低,一般都只有一萬元,若想用信用卡交學費,可先存錢入信用卡戶口,然後再於網上銀行繳交學費。( 阿啤搵到一篇幾好的教學文章,分享中大學生如何用e-Banking交學費,可按此瀏覽)。

3. e-Banking交學費食唔到迎新優惠

相比起親自碌卡或者上商戶網站繳費,e-Banking繳費所賺取的回贈或里數係最少的,而且就算用e-Banking交大額學費,都食唔到迎新優惠,所以大家用信用卡交學費的時候,亦可以先問清楚相關院校能否親自去碌卡、上他們的網站或者set auto pay去交,真係唔得既話,才用e-Banking去交。

4. Check清楚院校支援那間銀行e-banking繳費

大部份銀行都支援以信用卡的e-Banking繳交學費,但未必會支援所有院校的,阿啤建議大家先問清楚相關銀行。

5. 唔係張張卡都可以儲分

可以e-Banking繳交學費而又賺取現金回贈或里數的信用卡及銀行真的不多,目前只有HSBC滙豐銀行、恒生銀行、建設銀行及中國銀行的信用卡可以做到。

大專生/大學生理財指南

邊張卡交學費可賺現金回贈或里數?

可以e-Banking繳交學費而又賺取現金回贈或里數的信用卡及銀行真的不多,阿啤搜羅了以下可以供學生或家長/在職人士申請的信用卡,學生哥自己交學費又得,家長交學費又得。

信用卡 申請對象 可賺回贈或里數高達 注意事項
滙豐 滙財金卡 - 學生卡 大專生/ 大學生 2.4% 回贈 最高享$400「獎賞錢」
恒生銀行 大學/大專聯營信用卡 大專生/ 大學生 2.4% 回贈 按此登記
中銀 i-card 大專生/ 大學生 0.4% 回贈 每月首$10,000網上繳費可享有積分
恒生銀行 enjoy 卡 學生 / 在職人士 0.4% 回贈 yuu 積分 每月首$10,000網上繳費可享有積分
中銀信用卡 (不包括中銀 i-card ) 在職人士 0.4% 回贈 每月首$10,000網上繳費可享有積分
建行(亞洲)eye卡 在職人士 0.4% 回贈 / $15=1里  
滙豐信用卡 (不包括學生卡 ) 在職人士 0.4% 回贈 每月首$10,000網上繳費可享有積分

 

推介交學費信用卡

要推介一張最強的交學費信用卡,首選當然是HSBC 滙豐 滙財金卡 - 學生卡。

  滙豐 滙財金卡 - 學生卡
  hsbc student ca


交學費優惠

  • 憑HSBC滙豐網上理財繳交指定大學/大專學院學費,可享高達2.4%「獎賞錢」回贈
  • 推廣期由2020年7月1日至2021年3月1日分兩階段進行,每階段可享高達$200「獎賞錢」,全期最高享$400「獎賞錢」
迎新優惠
  • 即日起至2021年3月1日,發卡後首60日簽賬滿HK$2,000,可享HK$300「獎賞錢」
  • 永久豁免年費
點樣賺盡?

滙財金卡學生卡有2.4交學費回贈,全期上限是$400,即是大約繳交$16,670的學費就能賺盡$400「獎賞錢」。但大學學費起碼要4萬多元,此時你就可以選擇用另一張交學費的高回贈信用卡(例如是恒生銀行大學/大專聯營信用卡)繳交餘下的費用。

 

除了以上的信用卡外,市場上仲有其他學生信用卡的,即上GoBear比較﹗阿啤亦提提各位,始終學生哥未有穩定收入,大家唔好胡亂碌卡呀﹗

 

伸延閱讀

GoBear team

GoBear team

GoBear Team致力為大家搜羅市場上的各個信用卡、旅遊保險及私人貸款優惠,仲有理財攻略﹗

更多文章